ديوان الشعر الشعبي

بسم الله الرحمن الرحيم

خطّر دار اقدمّ بهلـها = لوذ جبلهـا = شارب لمزان امفلّلـها
خـطّـر دار اصـحــاب كـــرم...عوايـد ليـهـم نــاس زمــان
الــراجــل بيـمـيـنـه يــعــزم....وشـرهـان تـفـظّـل يـافــلان
عـلــي صـايـبـتـه مــاوسّــم...علالـيـش حلـيـب وخـرفـان
شـويــة وايـجـيـك الــــلازم... اطـبـاقـه ميّـلـهـا مــســلان
عـرب ربـي انعـام عطـاهـمّ... إيبالـه والمـاعـز والـضـان
حــلال مصـفـه فـيـه قـســم... حـقـوق فقـيـرة والجـيـعـان
طلق عشوش في هود رتـم... فخـالـي وسـهـوبـة تـدكــان
مــع بـيـت امبيـهـج مـنـظـم.... طليـس وسمكـاتـه عـمـدان
امـفــرّش بـنـطـوع امـتـكّـمّ... امــرادع بجـلـود الحـيـوان
وكـانـون جـلاهـيـه احـمــمّ... اضّـاوت فـي جنبـه شهبـان
علـي ماهالـوا فـيـه احــزمّ... حطب سـاق نسومـه دخـان
رمــاد تـقـول غـبــار غـلــم... رقــي قــدام الـنـزلـة بـــان
عـــرب لـلـجــار فطيـبـتـهـمّ... اتنـسـيـه فـولـديـه احــيــان
عـرب فـي الليـل ادّيـر ملـم... وسامـرهـا دايـــر طـشــان
علـي انغـام قصايـد واحكـم... ســمـــورة لابــكـــرة لاذان
تقول قطن علي روس خدمّ... الـنــدوة عالّـبـيـوت اتـبــان
عـــرب مـولايــة كـارمـهـمّ ... فكـل رتعـة مربـوط حصـان
صهيلـه يخـلـع فــي النـايـم... دقيل رعود فـروس امـزان
امــربّـــد فــمّـــه مـتـلــجّــم... الـلـي قيـنـه كـيـف الــودان
رجولـة ويــن عليـهـم هــم... ارقاب اوعول علي معطان
فعـايـلـهـم نــاســـه لــقـــدم... الخـايـف لا جـاهـم يطـمـان
عرب حكمة من شيخ هرم... كلامـة فـي سنـزت مـيـزان
ايفصّل فـي المشكـل وايتـم... ومـا يتعاطـف لـي غلـطـان
فهـيـم لـيـا الميـعـاد رســـم... وفارض نفسه عنـده شـان
عــرب كــان الـبـارود رزم... تنادتـلـه مـــن كـــل مـكــان
ايجوا عل سبّق كيـف الـدم... يفـوروا زي حمـمّ البركـان
عشيـر النزلـة والبـن عــم... يقصّوا فـي الغـازي قصّـان
سوانـيـهـم تـنــزح واتـجــم... عليها دار الديـس اغصـان
عــروبــة ليـبـيـيـن إلــهـــمّ... الفزعـة والرفقـة ولامــان
الـلــي مـانـقـدر نـوصـفـهـم... ولـونـديـر علـيـهـم ديـــوان
اللـي ويــن نجـبـد طاريـهـمّ... نغيب ونلها=في قصة ماضي مجملها
اللي دحروا جيوش الغاشم... علي ضايلها=ردّوا تراب اللي راحلها
مــوش حجـايـج خــط قـلــم... اللي ردّلها=حقّه روس تريس بدلها




خـطّـر دار تـريــس اصـيـلـة... كـسّـابـيـن لــطــوش ذراوي
امنـيـن عليـهـا كــم عديـلـة... وغـرايــر بـحـبـال مـــلاوي
بيـه اتـشـق طـريـق طويـلـة... وثنـايـة وسـهـوب خـــلاوي
هــي لــي لارامــلّ ضلـيـلـة... ولـي ليـتـام خـيـار كـسـاوي
منطرحـة فـي بسـاط هميلـة... اللـي تعرفهـا نـاس بــداوي
ويــن عـفـي عـلّـم تمشيـلـه...اللي ممطور عليه شـراوي
ويــن شـرابـه بــزّع سيـلـه... بــــر ارداد غــديـــره راوي
تسّـاوى الـلـي فـيـه هزيـلـة... رقمـا والظـمـران شـهـاوي
وعـاد فحلـهـا مــن يوميـلـه... لا طـيّــح مـالـفـم رغــــاوي
اوصـافـه عالّفـحـول قليـلـة... وركـابـه صـفّــاح رحـــاوي
طـول امحاشـه فيـه جميـلـة... قصر انشاشـه كيـف تبـاوي
ورقبة وين وقف عـل حيلـه... حنيـة فـي وادي صـحـراوي
وخـفـافـه تـغـيـص فتبـديـلـه... اتقـول علـلّـي تحـتـه ثــاوي
راســـه للـسـامـع تمـقـيـلـة... صيفـة زيـر بـدون عــراوي
يـاجـيّــاب حــمــول ثـقـيـلــة... ياقاطـع مــن فــج سـمـاوي
سـيــدك مـتـخـلّـل بـطـويـلـه... مشربها في الريـح ايـلاوي
عـل ضامـر يطـبـخ طاريـلـه... شوشت ليـث قنيصـه نـاوي
بـيـتـه تـشـعـل فـيــه فتـيـلـة... زي سرداب الراهب ضاوي
ناس ان جاها ضيف اتجيله... ماايتوقوا من تحت رساوي
مترجّـل والـلـي عــل خيـلـه... ماتفرق في الناس اتسـاوي
حـتـى مـــن لـكــلاب ذلـيـلـة... مـن كثـر الضيفـان هـداوي
والـبــل خـبـرهــا تفـصـيـلـه... تجلـب فـيـه الـسـو دعــاوي
مـن وقـت الباسـوس نزيلـة... اللـي جـايـب قصّتـهـا راوي
عــل نـاقـة مــن كــم قبيـلـة... راحـت زي دخـان الـجـاوي
وهـــذا عـيـبـك ياالـخـويـلـة... والـبـاقـي مـالـيـك هـفــاوي
كـانــت لـلـتّـرحـال وسـيـلــة... وتستعملها=ناس فلشرام منازلها
لعـوج لغـاهـا عـنـدي ميـلـة... وخصايلها=تفرض عالناس ادّلّلّها
عـل خمـسـة ديـنـار كحيـلـة... لفعايلها=تذكار وصورة دارلها
ونهر ايضخ ضماك ايشيلـه... شق ارملها=في كل مكان ايصبّلها
ادّيـر فصـوت خريـر رقيـلـة... رقاب ايبلها=وين تشرب فوق مناهلها
خطّر دار اقدم بهلها = لوذ جبلها = شارب لمـزان امفلـلـها

القصيدة للشاعر الشعبي عبدالله الاخضر المشاي